39-годишен маж почина откако беше застрелан од заскитан куршум за време на протестот против претседателот Доналд Трамп во Јута во саботата, соопшти полицијата во Солт Лејк Сити во неделата.

Смртта на еден демонстрант, редок настан во Соединетите Американски Држави, се случи на крајот од исклучително напнатиот викенд во земјата, обележан првенствено со убиството на демократска конгресменка и нејзиниот сопруг во Минесота и протестите низ целата земја во саботата.

Протестот во Солт Лејк Сити беше во тек кога, според полициското соопштение, 24-годишен маж со пушка АР-15, „истрчал во толпата“.

A shooting occurred at an anti-Trump rally in Salt Lake City, USA. One person was seriously injured, police said. pic.twitter.com/M2QnUBdnjo

— Bruno Roncalli 🇨🇭🇮🇹 (@ReyRexon48849) June 15, 2025

Ова го натерало обезбедувањето, очигледно со намера да го разоружа младиот човек со автоматската пушка, „да испука три куршуми, од кои едниот смртно го ранил“ 39-годишниот Артур Фоласа А Лу.

„Нашите истражители веруваат дека тој бил невин минувач“, соопшти полицијата.

24-годишникот, кој беше погоден од куршум и повреден, беше уапсен и обвинет за убиство, според полициското соопштение. Тој не испукал ниту еден куршум.

Човекот кој испукал три куршуми соработува со истрагата, според шефот на полицијата на Солт Лејк Сити, Брајан Рид.