По пауза од цели 17 години, Јован Јованов повторно се враќа со соло издание. Новата песна насловена „Не ти стои“ е негов прв самостоен сингл по долг период и воедно најава за големиот концерт што ќе се одржи во Скопје.

„Не ти стои“ доаѓа по неговото постепено враќање на музичката сцена. Јованов најпрво ја освежи култната „Магија“ со ремикс во соработка со Пајак, а потоа го објави и дуетот „Адреналин“, кој го изведе заедно со Елвир Мекиќ. Со новата песна, тој повторно стапува во прв план како соло артист.

Синглот е целосно авторско дело на Јованов – тој стои зад музиката, текстот и аранжманот, што ѝ дава дополнителна лична нота на песната.

„Среќен сум што после толку години направив песна која се надевам ќе им се допадне на оние што растеа со моите песни, но и на помладите, кои денес ја откриваат музиката од тоа време“, изјави тој.

Во меѓувреме, пејачот е целосно фокусиран на подготовките за големиот концерт што заедно со Елвир Мекиќ ќе го одржи на 6 јуни во арената „Борис Трајковски“ во Скопје.

Искрено со Јован Јованов: Се разделивме со сопругата, но сѐ уште сме најдобри другари и бизнис-партнери