ВИДЕО | Новиот македонски репрезентативец, Дени Мусовски, постигна гол за Сиетл саундерс
Фудбалерите на Сиетл саундерс триумфираа и во реваншот од осминафиналето на шампионскиот куп на КОНКАКАФ дома против Ванкувер вајткепс со 2:1.
Препорачано
Сиетл саундерс беше подобар од противникот во првиот дуел со резултат 3:0, и со вкупни 5:1 во двомечот се пласираше во следната фаза од натпреварувањето.
Гостите поведоа во 24. минута со голот на Бадвал откако му асистираше Вајт, а домашниот тим направи пресврт во вториот дел, а истиот го најави новиот македонски репрезентативец Дени Мусовски во 79. минута. Нашиот 30-годишен напаѓач влезе во 66. минута како замена за Де Розарио.
Вториот гол беше дело на Ротрок во 83. минута, а Кингстон ја забележа и втората асистенција.
Потсетување, Мусовски за прв пат е повикан во македонската А репрезентација, и е во составот на играчи што го објави новиот селектор Гоце Седлоски за претстојниот бараж-натпревар против Данска во Копенхаген на 26 март за пласман на Светското првенство 2026.
