Илјадници демонстранти се собраа во неделата пред грузискиот парламент, во моменти кога се зголемува незадоволството кон владата. Критичарите ја обвинуваат владејачката партија Грузиски сон дека е под контрола на Русија и дека назадува кон демократијата, пренесува „Би-Би-Си“.

Владата беше обвинета за затворање на политичките противници и замолчување на независните медиуми. Митингот беше организиран од главната опозициска партија за поддршка на затворениот поранешен претседател Михаил Сaакашвили.

Georgia: Opposition rally 'Together to Europe' takes place in front of Tbilisi Parliament – 09.04.2023 #Tbilisi #Georgia #Protest #Rally #Demo #EU pic.twitter.com/hauAyUsouW

— demonstration.live (@DemonstrationL) April 9, 2023

Сaакашвили, кој во два мандата ја водеше Грузија како претседател помеѓу 2004 и 2013 година, моментално отслужува шестгодишна затворска казна за злоупотреба на власта, иако меѓународните групи за права го осудија неговото осудување како политички мотивирано.

Минатиот месец, масовните протести ја принудија владата да се откаже од предлог-законот со кој секоја невладина организација што добива пари од странство ќе бара да се регистрира како „агент на странско влијание“.

Противниците рекоа дека нацрт-законот е направен по примерот на оној што беше воведен во Русија во 2012 година за да се потисне несогласувањето и го нарекоа чекор кон авторитаризам. На протестите полицијата употреби водени топови врз присутните.

Во неделата, демонстрантите пред зградата на парламентот во главниот град Тбилиси вееја грузиски, украински и знамиња на Европската унија и држеа огромен транспарент на кој пишуваше: „За европска иднина“.

Tbilisi, Georgia 🇬🇪 Protest rally underway on Rustaveli Avenue pic.twitter.com/qXybRPR8Be

— Mtavari TV (@MtavariChannel) April 9, 2023

Јавното мислење во Грузија е претежно про-ЕУ, а владата вели дека останува посветена на обидот на земјата да се приклучи на блокот, но противниците велат дека нејзините дејства им штетат на шансите на Грузија да добие членство.

Грузија поднесе барање за членство во ЕУ заедно со Украина и Молдавија неколку дена откако Русија ја нападна Украина во февруари 2022 година.

Во јуни, ЕУ формално ги именуваше Украина и Молдавија за земји-кандидати за членство, но рече дека Грузија мора да спроведе голем број политички и судски реформи пред да добие статус.

Во обраќањето на митингот, Леван Хабеишвили, претседател на партијата Обединето национално движење, основана од Саакашвили, повика на „ослободување на политичките затвореници“ и воведување на реформите што ги побара Брисел.