ВИДЕО: Нов „трипл-дабл“ на неверојатниот Јокиќ
Никола Јокиќ го забележа својот 19 „трипл-дабл“ оваа сезона во победата на Денвер Нагетс со 113:109 над Шарлот Хорнетс во НБА лигата. Српскиот центар го заврши мечот со 26 поени, 19 скока и 11 асистенции.
Нагетси ја забележаа рекордна 23 победа на гости. Денвер дојде до значајна предност во третиот период, но на четири минути до крајот на мечот Хорнетси дојдоа до 105:104. Со поените на Јокиќ играчите на Мајк Мелоун повторно направија разлика (109:104) и го приведоа натпреварот кон крајот.
Во редовите на Денвер се истакна и Арон Гордон кој постигна 21 поен, Вил Бартон броеше до 18, а по 14 поени постигна Џеф Грин и Монте Морис.
На другата страна најдобар беше Мајлс Бриџис со 27 поени и 11 скока, Ламело Бол постигна 22 поени и 11 асистенции.
Денвер е шести на табелата на Западната конференција со скор 45-31. Шарлот е на деветтото место на Истокот со 39-37.
НБА лига, резултати –
Шарлот хорнетс – Денвер нагетс 109:113
Кливленд – Орландо 107:101
Индијана – Атланта 123:132
Мајами – Сакраменто 123:100
Њујорк – Чикаго 109:104
Торонто – Бостон 115:112, 106:106 (по 1. продолжение)
Хјустон – Сан Антонио 120:123
Мемфис – Голден стејт 123:95
Портланд – Оклахома 131:134, 115:115 (по 1. продолжение)