Лидерот на ВМРО – ДПМНЕ, Христијан Мицкоски во своето гостување на Канал 5 зборувајќи за владата во заминување порача дека никој, ниту со државата, ниту со народот, континуирано преку гимнастики и политички инжињеринг да манипулира и функционира.

-Тоа се виде вчера ао изборниот резултат. На тоа предупредувавме ние со месеци би рекол и со години. Јасно беше уште после локалните избори во 2021 дека мора да има промени во Mакедонија, мора да дојде до промена на владината структура, порача лидерот на ВМРО- ДПМНЕ.

Тој додава и дека претходно прогнозирал дека професорката Силјановска во вториот круг ќе има повеќе од 500.000 гласови, и дека коалицијата „Твоја Македонија“ предводена од ВМРО-ДПМНЕ ќе има 55 плус пратеника, а тоа како што рече се потврди на вчерашните избори.

-Мислам дека народот си го кажа своето, граѓаните си го кажаа своето, истакна Мицкоски, во своето гостување во емисијата „Само интервју“.