Фудбалерите на Манчестер јунајтед со победа ја завршија 2022 година. Во натпреварот од 18 коло на Премиер лигата, Јунајтед славеше на гостувањето кај Вулверхемптон, со резултат 1:0 (0:0).

Маркус Рашфорд, кој влезе во игра на почетокот на вториот дел, го постигна единствениот гол на мечот во 76 минута по асистенцијата на Бруно Фернандеш, иако всушност по тоа додавање Рашфорд направи одличен пробив, а по неговиот удар, домашниот голман беше немоќен.

Вториот пат Рашфорд ја погоди мрежата неполни осум минути подоцна, но овој гол беше поништен по интервенција од ВАР собата поради играње со рака.

12 – Marcus Rashford has scored 12 Premier League goals as a substitute with only Ole Gunnar Solskjaer (17) and Javier Hernandez (14) netting more from the bench for Manchester United in the competition. Super. pic.twitter.com/QfasY6QdlE

— OptaJoe (@OptaJoe) December 31, 2022

Рашфорд, инаку, натпреварот го започна на клупата за резерви, како што беше објаснето „поради недисциплина“.

Од клубот не коментираат повеќе за оваа ситуација, менаџерот на „црвените ѓаволи“, Ерик тен Хаг само рече дека тоа се клупските правила и дека нема да се дискутира понатаму.

Јунајтед сега има 32 бода од 16 натпревари на четвртото место на табелата, Вулвси се 18 позиција со 13 бодови од 18 меча.