За прв пат беспилотни летала нападнаа претпријатија на територијата на Татарстан, во Јелабуга и Нижнекамск, објави прес-службата на шефот на Татарстан, Рустам Миниханов.

„Нема сериозни разурнувања, не е нарушен технолошкиот процес на компанијата. За жал, во Јелабуга има објекти кои се оштетени како резултат на уништувањето. Се обезбедува сета потребна помош“, напиша Миниханов.

„Сега е исклучително важно да останеме смирени и да не се предадеме на паниката што одговорните за ова злосторство намерно се обидуваат да ја посеат“, додаде тој.

👍Two drones attacked the city of Yelabuga in Russian Tatarstan, more than 1,000 km from Moscow, — rosZMI

The explosions occurred on the territory of the Yelaz-Naftoprodukt oil refinery.

russian bastards. pic.twitter.com/Sam46rIJMg

— Jürgen Nauditt 🇩🇪🇺🇦 (@jurgen_nauditt) April 2, 2024

Тој потврди дека службите се во готовност. Оперативните служби за државната новинска агенција ТАСС потврдија дека најмалку шест лица се повредени во Јелабуга.

„Засега е утврдено дека како последица на нападот со дрон се повредени шест лица“, изјави изворот на ТАСС.

Тој истакна дека искршени се стаклата на три згради од студентски домови.

НЕКСТА пишува дека местото на ударот е на повеќе од 1.200 километри од украинската граница. Тој наведува дека беспилотните летала Шахед се произведуваат во Јелабуга, додека во Нижнекамск има голем петрохемиски комплекс.