ВИДЕО | Над 300 мртви во ужасниот земјотрес во Турција и Сирија
Повеќе од 300 луѓе загинаа во Сирија и Турција во силниот земјотрес во близина на јужниот турски град Газиантеп рано утринава.
Сириското Министерство за здравство ја потврди смртта на најмалку 237 лица во областите под контрола на претседателот Башар ал Асад. Бројот на повредени достигна 639. Се очекува бројот на загинати да продолжи да се зголемува.
Scary footage of the earthquake in Turkey tonight.
pic.twitter.com/NweJRwrnhn— Faytuks News Δ (@Faytuks) February 6, 2023
Има најмалку 20 загинати во северозападната сириска провинција Идлиб, контролирана од бунтовниците.Многу од зградите во областите кои беа погодени од земјотресот претрпеа оштетувања за време на конфликтот што избувна пред речиси 12 години во Сирија.
BREAKING: Powerful 7.8 magnitude earthquake strikes southern Turkey, injuring multiple people; multiple fatalities expected.pic.twitter.com/qu8jwgvaIZ
— Dredre babb (@DredreBabb) February 6, 2023
Возовите во северниот дел на земјата се превентивно запрени.
Во Турција според последните податоци на властите загинале најмалку 76 лица, а повредени се 440 лица.
Multiple apartment buildings have collapsed after a powerful earthquake in southern Turkey pic.twitter.com/wydrBj94RL
— BNO News (@BNONews) February 6, 2023
Силниот земјотрес, кој според американскиот геолошки институт бил со јачина од 7,8 степени според Рихтеровата скала, се случил денеска во 04:17 часот по локално времево близина на јужниот турски град Газиантеп, во близина на границата со Сирија, на длабочина од околу 18 километри, јави ДПА.
Десетина минути подоцна следеше силен последователен потрес со јачина од 6,7 степени на длабочина од 9 километри. Регистрирани се најмалку 20 последователни земјотреси.
