ВИДЕО: На згради во француските градови се прикажуваа карикатури од Мухамед од „Шарли Ебдо“

Франција минатата недела ја згрози бруталната ликвидација на професорот по историја Самуел Пати, на кој тинејџер по потекло од Чеченија во предградие на Париз му отсече глава, го сними чинот и го објави на социјалните мрежи, поради карикатурите на пророкот Мухамед кои Пати им го покажувал на учениците.

Како дел од почитта кон Пати вчера на владините згради во некои француски градови се прожектирани цртежи од Мухамед од сатиричниот весник Шарли Ебдо, светски познатиот поради исламистичкиот масакр во јануари 2015 година кога браќата Шериф и Саид Куачи упаднаа во редакцијата и убија 12 лица.

Цртежите на Мухамед беа изложени во библиотеките во Монтпеље и Тулуз, а Пати доби спомен одбележје на чие откривање во Париз беше и претседателот Емануел Макрон.

Прочитајте и...  Неколку скопски општини и села утре ќе останат без струја

Макрон Пати го опиша како „тивок херој кој ја отелотворувал вредноста на Француската Република“.Постхумно му додели Легија на честа, највисоко француско цивилно признание.

Таткото на една 13-годишна ученичка поради тоа што Пати на учениците им покажувал карикатури од Мухамед повикал на мобилизација против Пати и побарал да му дадат отказ во училиштето.

На социјалните мрежи го објави името и презимето на професорот и адресата на училиштето каде што работел, и тоа само неколку дена пред нападот.

На мобилниот од убиецот, 18-годишниот Абдулах Анзоров, кого го уби полицијата, пронајдена е фотографија на Пати и порака во која го признава убиството. Сведоците раскажале како убиецот го виделе во петок пред училиштето, при што ги распрашувал учениците каде може да го пронајде Пати.

Прочитајте и...  СДСМ: Со Предлог-буџетот средства за нови градинки и поддршка на работните места

Вкупно се уапсени 11 луѓе, меѓу кои се и исламски проповедник и татко на ученичката кои на покажувањето на карикатурите на Мухамед се жалеле на социјалните мрежи.

Поврзани вести

Трамп: Испораката на вакцините против коронавирусот почнува следната недела

Слободен печат

Мицкоски најави: ВМРО-ДПМНЕ ќе достави предлог за доверба на Владата во Собранието

Слободен печат

Меркел: Граѓаните да бидат трпеливи, се гледа светлината на крајот на тунелот

Слободен печат

Експерт на СЗО: Животот на кој што бевме навикнати пред пандемијата е реален повторно

Слободен печат

ВИДЕО | Путин: Избегната е еколошка катастрофа, но се уште е рано за опуштање

Слободен печат

Племињата креваат глас: Вратете ни ја земјата!

Остави Коментар

MacedonianAlbanianBulgarian