7 C
Скопје

ВИДЕО: На кобниот лет од Џакарта загина мајка со двете деца: Збогум, семејство. Сега одиме дома!

На социјалните мрежи се појавија потресни последни пораки на патници од авионот кој се урна кај Џакарта само неколку минути по полетувањето.

Рати Винданија објави селфи со своите деца откако тие влегоа во авионот.

“Збогум, семејство. Сега одиме дома”, напиша таа.

Нејзиниот брат Ирфансијах Ријанто изјави дека семејството првично имало намера да оди со друг авион, но во последен момент го смениле планот. Неговата сестра и нејзините две деца се враќале од тринеделен одмор, пишува Дејли Меил.

“Ги возев до аеродромот, им помогнав со багажот и чекирањето. Сè уште не можам да верувам дека се случи такво нешто”, рече Ирфансијах.

Си-Ен-Ен пишува дека Рати Винданија била во четвртиот месец од бременоста и во авионот била со нејзината двегодишна ќерка Јумна, осумгодишниот внук Атар Риски Ријаван, чичкото Тони Исмаил и тетката Рахмавати.

Прочитајте и...  ВИДЕО| Начевски: За пет проценти е зголемено депонирањето на медицински отпад на Дрисла

„Навистина сакам да летам“

Братот на копилотот Диего Мамахит предал примерок од крв на полицијата за да помогне во идентификацијата.

“Верувам дека мојот помлад брат преживеа, ова е само формалност. Диего е добар човек, ние сè уште веруваме дека преживеал”, рече Крис Мамахит.

Диего на својот профил на Линкедин напиша: „Навистина сакам да летам“.

„Ми се јави преку ВатсАп, се смееше“, рече тој.

Панка Видија Нурсанти, наставничка во средно училиште во Понтијанак, се враќаше по одморот во родниот град Тегал. Нејзиниот сопруг Рафик Јусуф Ал Идрус раскажа како изгледал последниот разговор со неа.

“Се шегував и реков дека ќе јадеме нешто заедно кога ќе се врати во Понтианак. Ми се јави преку ВатсАп, се смееше. Таа веќе се качи на авионот и рече дека временските услови не се многу добри. Јас и реков да се моли”, рече Јусуф Ал Идрус.

Прочитајте и...  Инцидент во мигрантскиот камп во близина на Сараево, интервенираа специјалци

Спасувачките екипи пронашле делови од тела и делови од авионот во морето. Во авионот имаше 56 патници и шест члена на екипажот, вкупно 62 лица.

Боингот Б737-500 вчера недолго по полетувањето од Џакарта го загуби контактот со контролата на летање и исчезна од радарот. Се урна во океанот меѓу островите Лаки и Ланцанг, недалеку од Џакарта. Локалните жители рекоа дека слушнале две експлозии.

Соерјанто Тјаханто, шеф на Индонезиската агенција за безбедност во сообраќајот, изјави дека властите на море пронашле две црни кутии, а нуркачите сега се обидуваат да стигнат до нив.

Поврзани вести

„Иницијатива против урбаното дивеење”: Општина Ѓорче Петров не престанува со нетранспарентно носење на урбанистички планови

Слободен печат

Филипче: Првите вакцини од „Фајзер” и од Србија ќе стигнат со интервентен увоз, планот за вакцинација е подготвен

Слободен печат

ЈП „Водовод и канализација“: Продолжува масовната кражба на капаци на шахти и решетки од сливниците

Слободен печат

Средба на министерот Спасовски со директорот на МАРРИ, Сашко Коцев

Слободен печат

Во Велика Британија кривично се гонети 6.500 луѓе поради насилство поврзано со ковид-19

Слободен печат

Една година на ЈП „Дрисла” под Град Скопје: Долгот од 175 милиони денари, сведен на 90 милиони, од 156 фирми, се должи на 30

Слободен печат

Остави Коментар