ВИДЕО: МВР: Нема потврда дека се вооружале лица за да го попречат изборниот процес

Тони Ангеловски, портпарол на МВР, Фото: Слободен печат

По информацијата дека Јавното обвинителство постапило по пријава од Американската амбасада во Македонија дека лице од политичка партија пријавило дека 83 лица, затвореници кои се на слобода добиле огнено оружје со цел да го попречат изборниот процес, се огласи и МВР.

Портпаролот на МВР, Тони Ангеловски во изјава за „слободен печат“ вели дека се преземени сите мерки и активности во врска со пријавата.

– Лице од политичка партија доставило пријава до Американската амбасада во Македонија која ја проследила до нас и до Јавното обвонителство. Во врска со оваа пријава се преземени сите неопходни мерки и активности во координиција со Агенцијата за разузнавање и Агенцијата за национална безбедност. Апсолутно можам да кажам дека до сега нема никаква потврда во однос на оваа пријава- изјави Ангеловски.