Во последниве неколку дена се разгоре во јавноста прашањето за пополнувањето на Уставниот суд со четворица нови уставни судии. За тоа каде лежи проблемот, бидејќи уставните судии ги именува Собранито, во Утрински брифинг разговаравме со Јован Митревски, координатор на пратеничката група на СДСМ.

-Имаме седум комисии во Собранието во кои не соодветствува нивното мнозинство со мнозинството во Собранието. Тоа треба да се надмине со разговор меѓу координаторите на пратеничките групи. И претседателот на Собранието Џафери ни ги даде податоци колку членови од позиција и опозиција треба да има во секоја од комисиите, вели Митревски.

Освен проблемот со мнозинството во комисиите што се смета за пречка, има и шпекулации во врска со кандидатурите на потенцијални судии во Уставниот суд. Митревски вели дека кандидатури сѐ уште нема, а кога ќе има ќе бидат објавени во јавноста.

Митрески вели дека во Собранието има многу закони кои се блокирани од опозицијата како што е законското уредување на порастот на платите на наставниот кадар, но и именувањето на нови амбасадори.

-Секако дека чувствувам оти по обидот за формирањето на ново мнозинство што не успеа, нештата спласнаа. Сега во моментов нема можности за предвремени избори и ќе има редовни избори во 2024 година, вели Митревски.

Проследете го целиот разговор во видеото