ВИДЕО: Метеор експлодира како 30 тона ТНТ над Питсбург на новогодишната ноќ
Метеор кој предизвика силна експлозија над предградие на Питсбург на Нова година, експлодирал во атмосферата со енергија еквивалентна на 30 тони ТНТ, потврдија американските власти.
Веб-страницата на НАСА за Meteor Watch објави дека „разумната претпоставка“ за брзината на метеорот би била околу 72.420 километри на час, со проценка дека метеорот тежи околу половина тон.
Во текстот на веб-страницата на НАСА се наведува дека метеорот би бил лесно видлив дури и во текот на денот доколку не беше облачно и мрачно време, како и дека испуштал 100 пати повеќе светлина од полната месечина.
Жителите на Саут Хилс и други области изјавија дека слушнале силен звук и почувствувале како нивните домови се тресат, но официјални лица од округот Алегени потврдија дека немало сеизмичка активност или гром.
My security cameras caught the “boom” sound too. It was LOUD pic.twitter.com/NEhynXQIbP
— Dobie Tanpaw (@lildobe) January 1, 2022