-4 C
Скопје

ВИДЕО: Меркел ја затвора Германија, карантин од 2 ноември

Германската канцеларка Ангела Меркел се обрати на германската јавност откао на состанокот со премиерите од сојузните држави договори карантин кој на сила стапува од 2 ноември.

Новите мерки, кои ќе траат четири недели и стапуваат на сила на 2 ноември, пред се се насочени на намалување на личните контакти на граѓаните, а вклучуваат и затворање на угостителските објекти и ограничување на собирите во приватниот и јавниот живот и забрана на туристички патувања.

„Ноември ќе биде месец на национално вложување на сите напори“, рече германската канцеларка Меркел по состанокот на владата и преставниците на сојузните покраини на кој се разговарало за новите мерки во борбата против ширењето на пандемијата од коронавирус.

Канцеларката рече дека состанокот, со оглед на драстичниот пораст на новозаразените, премина во „многу сериозна“ атмосфера.

„Денеска е тежок ден за оние кои донесуваат одлуки“, рече канцеларката која истовремено додаде дека одлуките не можеле да се одложуваат.

Прочитајте и...  Прилеп: Мал пад на новозаразени, зголемен број пациенти на кислородна поддршка

„Потполно е јасно дека мора да дејствуваме веднаш. Најважна алатка е следењето на контакти. Но здравствените власти сега се на работ на тоа да можат да гарантираат дека ќе се врши следење. Постои опасноност од губење контрола. Затоа ни се потребни уште едни национални напори во ноември“, рече таа.

„Ние мораме да ја спречиме кризната ситуација во медицинскиот систем“, заклучи Меркел. Укажа на тоа дека и премиерите на сојузните покраини се свесни за ситуацијата во која е нужно единствено дејствување.

„Многу сум благодарна што и покрај различните позиции и епидемиолошки ситуации во одредени сојузни покраини пронајдовме заедничко и единствено решение“, рече Меркел. Денес донесените мерки вредат единствено на подрачјето на цела Германија.

Премиерот на сојузната покраина – градот Берлин Михаел Мулер исто така рече дека се работи за одлуки кои не било едноставно да се донесат, но тие се исто така и нужни.

Прочитајте и...  Белгија сега е деветта најдобра земја по број на заразени од ковид-19, откако пред еден месец беше најлоша

“Ова се тешки одлуки и тешки мерки. Но, тоа е околу четири недели. Ако гледаме сега и не сториме ништо, ќе ни се случи да мораме да се збогуваме со многу луѓе”, рече Мулер, посочувајќи дека во водечките берлинските болници ситуација со капацитетите е слична на онаа на почетокот на пролетната пандемија.

Баварскиот премиер Маркус Содер рече дека новите мерки се „горчлива пилула“ која, сепак, е неопходна бидејќи во меѓувреме се појавила ситуација во која не е можно да се следи текот на новите инфекции.

„Со ова препишуваме четиринеделна терапија“, рече Содер, додавајќи дека верува оти граѓаните ќе реагираат солидарно.

„Ние сме општество на солидарност, а не егоистичко општество“, рече Содер.

Прочитајте и...  Русија води истрага за дисидентот Навални и за екстремизам

Според новите ригорозни мерки, кои стапуваат на сила во понеделник, ќе биде можно да се соберат максимум десет лица од најмногу две домаќинства, објавија германските медиуми, повикувајќи се на учесници на состанокот меѓу германската влада и федералните премиери што започна околу 13 часот.

Рестораните и кафулињата исто така треба да бидат затворени за гости со можност за достава на храна и пијалоци. Исклучок се мензите. Оваа мерка треба да трае цел ноември.

Продавниците ќе останат отворени, но со ограничување од еден клиент на 10 квадратни метри, а рестораните ќе работат само за достава на храна.

Публиката нема да биде дозволена на натпреварите во Бундеслигата, што е исто така мерка што треба да трае цел ноември.

Училиштата и градинките остануваат отворени.

Поврзани вести

На една седмица до состанокот на Советот на ЕУ: Сè уште постои оптимизам за прва меѓувладина конференција

Слободен печат

С. Македонија и Албанија ќе потпишат спогодба за менаџирање на риболовот на Охридското и Преспанското Езеро

Слободен печат

Е-настан „Соларна енергија во Скопје – предизвици и можности”

Слободен печат

Во организација на ССНМ и МИМ: Онлајн работилница за предизвиците на новинарите за време на ковид-кризата

Слободен печат

Со лесни дроги „ќе ги лечиме“ тешкотиите во угостителството

Соња Христовска Угриновска

Порталот „Слободен печат“ од денеска на пет регионални јазици

Марина Дамческа

Остави Коментар