ВИДЕО: Матуранти од две белградски гимназии крајот на учебната година „го прославија“ со клоци и тупаници
Mатуранти од две белградски гимназии се испотепаа со клоци и тупаници.
Тепачката се случила во Звездарска Шума.Додека момчињата се тепаат, девојчињата викаат по нив да не користат факели.
Станува збор за матуранти од Шестата и Седмата белградска гимназија.
— ScepanCar (@ScepanCar) May 25, 2023
Меѓу учениците кои се собрале да го прослават крајот на учебната година дошло до помал конфликт, а на социјалните мрежи се шпекулира дека алкохолот кој го конзумирале учениците уште повеќе го разгорел инцидентот, јавуваат српските медиуми.
Еден од учесниците во тепачката запалил факел.
Како што дознаваат српските медиуми, во инцидентот се повредени двајца ученици, а станува збор за ученици од Шестата белградска гимназија. Тие поради повреди на главата, се пренесени во Ургентниот центар.
Радисав Милиќ, директор на Шестата белградска гимназија изјавил дека матурантите претходно биле во училиште.
„Во училишниот двор тој ден се беше убаво, децата се однесуваа соодветно, се поздравија со учителката. После сами се собраа во Звездарска Шума, не знам која била причината за тепачката“ изјави Милиќ.
Мирослав Маркиќевиќ, директор на Седмата белградска гимназија изјавил дека нивните ученици биле љубезни и во училишниот двор немало никакви најави за инциденти.
„На денот кога се случи инцидентот, матурантите беа во училишниот двор заедно означувајќи го крајот на школувањето, се беше како што треба. Тие после училиште отидоа во природа да слават. Не знам како дошло до инцидентот“ изјави Маркиќевиќ.