Фудбалерите на Комо денеска ја победија Верона со 1:0 во натпревар од 36 коло на најдобрата италијанска лига.

Анастасиос Дувикас го постигна единствениот гол за Комо во 71 минута, а четири минути подоцна домашните можеа да израмнат, но голот на Киерон Буи беше поништен поради офсајд.

Комо е на петтото место со 65 бода на две кола до крајот во Серија А, и има бод и натпревар повеќе од шестопласираната Рома.

Јуве има три бода повеќе од тимот на Фабрегас, а Милан има два бода и натпревар помалку, а тој дуел ќе го играат вечерва против Аталанта.

Верона, која претходно испадна од лигата, последен пат забележа победа на 8 март. На табелата се наоѓа на 19 место со 20 бода.

Во следното коло, Комо ја пречекува Парма, а Верона е домаќин на Интер во Милано.