ВИДЕО: Јокиќ со мечот на кариерата, НБА лигата ова го чекаше 54 години
Играчот на Денвер нагетс, Никола Јокиќ повторно испиша историја во најсилната кошаркарска лига на светот, НБА. Српскиот ас го предводеше Денвер нагетс до победа од 119:115 над Шарлот хорнетс, настап за кој долго ќе се зборува.
Јокиќ мечот го заврши со 40 поени и неверојатни 27 скока што е рекорд во кариерата и 10 асистенции. На теренот помина 40 минути, а за тоа време од поле стрелаше 13-26 (2-4 за три поени) и 12-17 од линијата за слободни фрлања.
За него ова е петти трипл-дабл сезонава, но овој не е „обичен“. Вакво нешто не е видено од 1968 година.
По 54 години, Јокиќ е првиот играч по Вилт Чембрлен кој забележал најмалку 35 поени, 25 скока и 10 асистенции на еден натпревар.
Воедно, тој е само третиот во историјата на НБА заедно со Елџин Бејлор, со тоа што Чембрлен успеал да го направи истото седум пати.
НБА лига, резултати –
Детроит пистонс – Брукли нетс 121:124
Торонто репторс – Голден Стејт вориорс 110:126
Минесота тимбервулвс – Чикаго булс 150:126
Денвер нагетс – Шарлот хорнетс 119:115
Лос Анџелес лејкерс – Вашингтон визардс 119:117