ВИДЕО: Јокиќ со историски трипл-дабл во победата на Денвер
Кошаркарите на Денвер во НБА лигата го победија тимот на Портланд со резултат 122:113, со уште една извонредна партија на Никола Јокиќ, кој го забележа својот 13 трипл-дабл учинок сезонава.
Денвер на својот терен во Колорадо ја забележа седмата последователна победа во НБА лигата, која заедно со Мемфис Гризлис го одржува на првото место во Западната конференција.
За српскиот центар Јокиќ ова е 89 трипл-дабл во кариерата, што значи дека меѓу активните играчи повеќе имаат само Расел Вестбрук и Леброн Џејмс.
Играчот на Нагетси застана на 36 постигнати поени, 12 скокови и 10 асистенции, со импресивен проценти на шут – промаши само еднаш од поле (13/14) и еднаш од линијата за слободни фрлања (9/10).
Српскиот кошаркар влезе во историјата на НБА-лигата откако вторпат во кариерата забележа трипл-дабл со повеќе од 30 поени со 90 или повеќе отсто шут од игра, што пред него тоа го направи само уште легендарниот Вилт Чембрлен.