ВИДЕО: Јокиќ држеше час по кошарка, најефикасен и против Њујорк никс во „Медисон“
Лесно е кога Денвер во своите редови го има Никола Јокиќ, најдобриот играч на Нагетси доминираше синоќа во НБА лигата над Њујорк во „Медисон Сквер Гарден“ и практично сам ги победи Никси со резултат 113:99.
Најкорисниот играч во лигата (МВП) го заврши натпреварот со 32 поени, 11 скокови и пет асистенции. Србинот шутираше 14/19 од игра, реализираше три тројки од седум обиди.
Денвер веќе до полувремето постигна 60 поени, а пред влегувањето во последната четвртина, играчите на Мајл Мелоун стекнаа дури 21 кош разлика.
Јокиќ имаше помош од Зик Наџи со 21 поен и осум скокови, а во поразениот состав доминираше Џулијус Рендл со 24 поени, седум скокови и осум асистенции.
Nikola Jokic and no-look passes, name a better duo 🔥pic.twitter.com/fWtbS8Q0Bp
— ClutchPoints (@ClutchPointsApp) December 4, 2021
32 PTS, 11 REB and 5 AST through 3 quarters 🃏
Nikola Jokic drops 15 in Q3 to propel the @nuggets to the big lead on NBA League Pass!
Watch Q4 now: https://t.co/V0kkYEEIkG pic.twitter.com/F5eI91yJDi
— NBA (@NBA) December 4, 2021
Во Западната конференција Денвер е на шестата позиција (11-11), додека Њујорк е на 11 место на Истокот (11-12).
НБА лига, резултати –
Њујорк никс – Денвер нагетс 99:113
Бруклин нетс – Чикаго булс 107:111
Милвоки бакс – Мајами хит 124:102
Далас маверикс – Мемфис гризлис 90:97
Голден Стејт вориорс – Сан Антонио спарс 107:112
Портланд Трејл блејзерс – Бостон селтикс 117:145
Сакраменто кингс – Лос Анџелес клиперс 104:99