ВИДЕО | Јанковски: Заштита од пожар во модуларните болници уште при проектирањето

Борис Јанковски, сопственик на фирмата ВЕДА/ Фото: Слободен печат

Кога избива пожар, на почетокот доаѓа до создавање на штетни гасови и обично прво луѓето се загушуваат, за потоа да изгорат. Редоследот на фази е тој, особено во простории во кои има можности да се појават некои штетни гасови, изјави во Утрински брифинг, Борис Јанковски, сопственик на фирмата ВЕДА.

-Во случајот (пожарот во модуларната болница) станува збор за просторија во која што има доток на кислород, со мал волумен, површински инсталации. Според тоа услови да се појави пожар се многу големи. Кислородот во една просторија е на ниво од 20,9% во воздухот, ако до дојде до 23 тоа значи дека е експлозивна атмосферата и може да дојде до самозапалување. Значи таа граница е многу тесна и мора да се држи во контролираните граници. Во случај на појавување на пожар во вакви услови, мислам дека вентилаторот не би завршил многу работа, бидејќи не го знаеме количеството на кислород. За да може да ставиме вентилатор треба да имаме мониторинг на состојбата на воздухот во еден простор, додава Јанковски.

Во светот постојат многу системи за гасење на пожари и тие се земаат предвид уште во фазата на проектрање. Пред се е многу битен мониторинг во просторијата, вели Јанковски.

Целиот разговор погледнете го во видеото:

 

Видео на денот