Историско-политичкиот аналитичар Адмир Лисица од Сараево во „Утрински печат“ говореше за улогата на Бошњаците во глобалните политички процеси, за идентитетската борба на оваа на нација и за нејзиното политичко зреење низ најзначајните политичко-правни случувања во Босна и Херцеговина, но и во регионот.

Во неговата деновиве промовирана историографска книга „Политичкото зреење на една нација“ тој се осврнува на предизвиците со кои се соочувале и се соочуваат Бошњаците во опкружувањето на нивното негирање низ историјата како посебна нација и борбата за артикулирање на нивниот идентитет.

Лисица во разговорот и за перцепцијата колку македонските Бошњаци се етаблирани во државата и во институциите на системот, како и препораки како да се држат до сеопштата „бошњачка стратегија“ на единство.

Претседателот на СДА во Македонија, Џело Хоџиќ кој истовремено е и втор човек во владината Агенција за остварување на правата на заедниците, исто така беше дел од утринскиот разговор и се осврна на улогата што ја има бошњачката заедница во државата, во зачувањето на стабилноста на земјата и за кооперативноста на Бошњаците во решавање на суштински општествени прашања.

„Лојалноста на една заедница е правопропорционална со лојалноста на државата кон неа. Кај нас овие два предуслова се исполнети“, вели Хоџиќ.