Бошњаците се интегрирани во Северна Македонија, тие се дел од Преамбулата на Уставот, имаме своја редакција во јавниот сервис, имаме редовна настава на образование на босански јазик, она што останува е според законот да ја подобриме правната застапеност и други механизми каде што партиципираме, вели Џелал Хоџиќ, лидер на Странка на демократска акција на Македонија во Утрински брифинг.

„Државата треба да создава кадар кој ќе предава на јазикот на помалкубројните заедници, па така и на босански јазик, но и во делот на остварувањето на сите граѓански права“, вели Хоџиќ.

За партијата која ја презеде неодамна, СДА, Хоџиќ вели на локалните избори настапуваат во коалиција со СДСМ, каде застапени се преку советничките листи, а се одлучиле на тоа поради прогресивните политики кои ги гледаат во партијата на власт.

Меѓу другото, зборувајќи за пописот, Хоџиќ вели Бошњачката заедница соработувала со оваа статистичка операција, бидејќи како што вели, важен е за да се креираат политики за зачувување на културните идентитети.