Фудбалската репрезентација на Грузија преку Лигата на нации успеа да си обезбеди место на Европското првенство кое годинава ќе се организира во Германија.

Денеска во големото финале од Ц сегментот Грузија пред своите навивачи во Тбилиси на пенали со 4:2 ја совлада Грција. Немаше голови во регуларните 90 минути и двете продолженија.

Пред финалниот меч избраниците на селекторот Вили Сањол на домашен терен со 2:0 го совладаа Луксембург.

Потсетување дека Грузијците беа противник на Македонија во Лигата Ц каде го освоија првото место во групата „Ц4“.

Така, се комплетираше уште една група на континенталниот собир, најдобрите грузиски фудбалери се сместени во групата „Ф“ заедно со селекциите на Турција, Португалија и Чешка.

For the first time ever, Georgia have qualified for the European Championships 🙌🇬🇪 pic.twitter.com/yOFlksNKLF

— OneFootball (@OneFootball) March 26, 2024