Македонската А репрезентација се наоѓа на една победа од пласман на Светското првенство, а последна пречка во вторник (29 март) ќе биде селекцијата на Португалија.

Нашите најдобри фудбалери се вратија во Скопје каде што само дел од репрезентативците (поради УЕФА ковид протоколите) беа пречекани од навивачите на плоштадот „Македонија“.

Избраниците на селекторот Благоја Милевски го елиминираа актуелниот европски шампион Италија, останува да се види дали за четири дена ќе приреди уште една голема сензација во фудбалскиот свет.

Доста реакции предизвика триумфот на Македонија во Палермо, доста луѓе не може да сфатат што им се случи на Италијанците кои важеа за главни фаворити.

Воедно на „Јутјуб“ се објавија два анимирани цртани филмови по повод победата на Македонија, многу фудбалски ѕвезди не може да поверуваат, други им се смеат на „аѕурите“.