Голем пожар избувна вечерва кај „Пивница“ и црквата „Св. Спас“ на почетокот на скопската Стара Чаршија – гори напуштениот објект веднаш до познатиот локал.

Од Противпожарната бригада на Град Скопје велат дека нивните пожарникари и натаму се борат да го скротат огнот и да спречат тој да се прошири на околните објекти.

РЦУК Скопје извести дека пожарот избувнал пред 20 часот во стара куќа во близина на Црквата Св.Спас во Стара Чаршија, како и дека го гаснат 12-мина пожарникари со четири возила.

Засега не се знае како избувнал големиот пожар во напуштената куќа, поради кој вечерва тешко се дише во Чаршијата и кај Калето, кои се обвиени во чад.