Често раскараните и по многу основи разделени балкански држави деновиве конечно се обединуваат, но од неубава причина – ги зближуваат пожарите кои беснеат во целиот регион. Хрватска и Србија ѝ испратија помош на Црна Гора во справувањето со пожарите кои досега изгореа илјадници хектари шума. Во Грција, пожарникарите со денови без престан се борат со огнената стихија на десетина критични точки во земјата. Грчки авиони летово помагаа во Македонија.

На социјалните мрежи е објавена фотографија од Грција што ја илустрира натчовечката борба со огнот – група пожарникари спијат на асфалтот, во ретките моменти кога можат да здивнат. Слично е и во Делвина, Албанија, каде локалните пожарникари се фотографирани како „фаќаат“ куса дремка на јавна површина.

Во видео, пак, за кое на социјалните мрежи се вели дека е од Црна Гора (за што сепак нема потврда), се гледа како куче-волчјак активно гасне запалена сува трева.