Одбележувањето на празникот Богојавление во Скопје започна утрово во храмот „Рождество на Пресвета Богородица“, каде што богослужеше поглаварот на Македонската православна црква – Охридска архиепископија, архипископот г. г. Стефан.

По завршување на литургијата, каде присуствуваа мноштво граѓани, богојавленските литии заедно со свештенството во поворка се упатија кон мостот „Слобода“ кај хотелот „Холидеј Ин“, каде се одржа „Водосветот“, а напладне  архипископот г. г. Стефан  го спушти светиот и животворен крст во водите на Вардар.

Дваесет и четиригодишниот Дарко Митровиќ од општина Центар го извади светиот крст од водите на Вардар , кој беше најсреќниот меѓу 160 пријавени мажи и една девојка за фаќање на крстот.

Денеска празникот се одбележа со фрлање на светиот крст и на повеќе други локации низ градот, во Ѓорче Петров, Бутел и Гази Баба.

Погледнете како изгледаше денеска на централната манифестација за Водици во Скопје.