Пејачката Ла Зара ќе ја претставува Франција со песната „Évidemment“ (превод: „Очигледно“) на годинашното издание на Изборот на песна за Евровизија, откако победи на националниот избор.

Евровизиските обожаватели се восхитени од француската песна, а коментарите на социјалните мрежи се, генерално, позитивни. Многумина ја сметаат за најубава песна годинава и ја прогласија за апсолутен фаворит за победа на музичкиот фестивал.

 

View this post on Instagram

 

A post shared by La Zarra (@la_zarra)

Ла Зара, чие вистинско име е Фатима Захра Хафди, е 25-годишна канадско-француска пејачка. Таа е родена во Монтреал, Канада, во семејство со мароканско потекло. Исто така, таа е голем обожавател на Евровизија.

Кога станува збор за музиката, таа е целосно самоука. Сепак, таа бргу почнала да пишува свои композиции инспирирани од нејзините искуства и длабоки емоции. Нејзините обожаватели истакнуваат дека „нејзиниот специфичен глас ѝ овозможува да ги пренесе своите чувства на публиката преку музика со единствен кредибилитет“.

Ла Зара ја опишува песната „Évidemment“ како „универзална љубовна песна“ и „химна што секој може да ја пее“.

Како потсетување, годинашното издание на Евровизија ќе се одржи од 9 до 13 мај во Ливерпул, Велика Британија.

Минатогодишен победник на Евровизија беше украинската група „Калуш Оркестра“, кои се искачија на првото место со песната „Стефанија“.

Повеќе евровизиски вести:

„Би-би-си“ за контроверзната песна на „Лет 3“: Нема место за политика на Евровизија

Ќе ја претставува Италија на Евровизија: Марко Менгони по 10 години пак на тронот на Санремо

Дали оваа песна ќе победи на Евровизија? Веќе е хит на ТикТок!