Елитната единица на специјалните сили „Духови“ продолжува да им нанесува тешки удари на руските сили. Тие уништија голем број клучни системи за воздушна одбрана во Донбас, објави Главната дирекција за разузнавање на украинското Министерство за одбрана (ХУР), пишува „Киев пост“. Тие, исто така, објавија видео на кое се прикажани прецизни напади со беспилотни летала врз руски воени средства на фронтовската линија.

Според извештајот на ХУР, операторите на единицата „Духови“ извршија неколку успешни напади со беспилотни летала во текот на изминатите две недели, таргетирајќи некои од највредните компоненти на воздушната одбрана на Русија. Меѓу уништената опрема се противвоздушниот ракетен систем со краток дострел Тор-М1, командната станица 55К6 на моќниот систем С-400 и радарската станица 9S18M1-3, која се користи како дел од ракетниот систем Бук-М3.

Over the past two weeks, the HUR’s “Ghosts” have struck a number of Russian air-defense assets in Donbas.

In particular, the following were destroyed:
▪️ a Tor-M1 surface-to-air missile system;
▪️ a 55K6 command post from an S-400 system;
▪️ a 9S18M1-3 radar station from a… pic.twitter.com/lWOcVKCENZ

— WarTranslated (@wartranslated) November 17, 2025

Снимката потврдува уништување

Објавено видео иако не е потврдено од руската страна засега покажува беспилотни летала како напаѓаат руски позиции со екстремна прецизност.  „Киев пост“ забележува дека не можел независно да ја потврди автентичноста на снимката.

„Вооружената борба продолжува“, соопшти ХУР, пофалувајќи ја ефикасноста на својата единица.

Ова не е прв ваков успех на единицата. „Киев пост“ минатиот месец објави за серија напади на „Духови“ врз руските системи за воздушна одбрана во Донбас, уништувајќи вредна опрема и нанесувајќи загуби на непријателот.

Во овие операции, како што изјави ХУР во тоа време, единицата „систематски“ ги таргетирала руските позиции, погодувајќи две радарски единици „Подлет“ 48Ya6-K1 и лансир 9A82 од системот С-300В. Радарот „Подлет-К1“ е клучна компонента на современите руски системи за воздушна одбрана со долг дострел, дизајнирани да детектираат цели на ниски и многу ниски височини и да пренесуваат податоци до системите С-300 и С-400.