Тетовски полицајци денеска спречиле девојка да изврши самоубиство со скокање од прозорецот на мотел во градот, а во исто време, СВР Тетово соопшти дека е уапсен и маж кој го пријавил случајот, кој е осомничен за посредување во вршење проституција.

„Денес, во 14.35 по претходна пријава од Л.К., дека по недоразбирање со женско лице кое не сака да го напушти мотелот, од страна на полициските службеници од СВР Тетово на местото било констатирано дека женско лице стоело на работ на прозорот од собата на хотелот со закана дека ќе скокне или ќе се самоповреди со остар предмет кој го држела во раката. По наредба на јавен обвинител полициските службеници насилно ја отвориле вратата на собата и ја спречиле девојката во својата намера“, велат од полицијата.

Девојката е пренесена во Клиничката болница во Тетово, каде ѝ е укажана лекарска помош.

„Во меѓувреме, полицијата го лишила од слобода Л.К. под сомнение за посредување на проституција. Во акцијата еден полициски службеник е полесно повреден. По завршување на истрагата, ќе бидат поднесени соодветни пријави“, се додава во полициското соопштение.