ВИДЕО: Дончиќ и Ирвинг го урнаа Шарлот, „трибл-дабл“ на Ламело Бол
Кошаркарите на Далас маверикс на домашен терен го совладаа Шарлот хорнетс со 124:118 во НБА лигата. Тројца играчи во редовите на екипата од Тексас запишаа „дабл-дабл“ учинок, додека Ламело Бол оствари „трипл-дабл“.
Гостите малку подобро влегоа во мечот и во втората четвртина стигнаа до големи 15 коша разлика (45:60). Од друга страна, Дончиќ не постигна поени во првата четвртина, но „се разбуди“ во втората четвртина и го водеше својот тим до победа.
Далас во последниот дел ја анулираше негативата од „минус 12“ од првото полувреме (50:62), поведе на седум минути до крајот на мечот (98:96) и не го испушти водството до крајот на натпреварот – 124 :118.
Седум играчи на Далас постигнаа двоцифрен број на поени, а најефикасен беше Лука Дончиќ со 23 поени, 12 скока и девет асистенции.
Како и Дончиќ, дабл-дабл учинок имаше и Кајри Ирвинг кој постигна 18 поени со 10 асистенции, Грант Вилијамс 18 поени, а Дерек Лајвли 15 поени и 14 асистенции.
Во тимот на Шарлот Ламело Бол оствари трипл-дабл учинок од 30 поени, 13 асистенции и 10 скока. Гордон Хејворд и Пи Џеј Вашингтон додадоа по 20 поени, а Марк Вилијамс 19 поени и 10 скока.
НБА лига, резултати
Кливленд Кавалирс – Голден Стејт Вориорс 115:104
Далас Маверикс – Шарлот Хорнетс 124:118
Портланд Трејл Блејзерс – Мемфис Гризлис 100:112