ВИДЕО | Домот на Бијонсе од детството се запали на Божиќ
Домот на пејачката Бијонсе од детството е уништен во пожар на Божиќ. Пожарникарите од Хјустон се бореле со силниот пожар во раните утрински часови на Божиќ, според локалната станица КИАХ.
Им биле потребни 10 минути да го изгаснат пожарот откако по само три минути пристигнале на местото на настанот. Брачниот пар кој живее во куќата и нивните две деца во тој момент биле дома, но не се неповредени. Не е јасно што го предизвикало пожарот во двокатната зграда.
Поради сезоната на празници, декември е водечки месец за пожари во домовите во САД, според Националното здружение за заштита од пожари.
Семејството Ноулс, чија најстара ќерка Бијонсе Жизел Ноулс-Картер стана меѓународна музичка ѕвезда, платило 64.000 долари за куќата во Хјустон во 1981 година, според ТМЗ. Тие ја напуштиле куќата во 1986 година, откако се родила Соланж Пијаже Ноулс.
Куќата има спирални скали, три бањи и канцеларија. ТМЗ известува дека купувачот платил 310.000 долари за плацот до тој дом минатата година.
Бијонсе настапи во Хјустон двапати во септември, додека ја завршуваше својата светска турнеја „Ренесанса“ вредна 579 милиони долари.