ВИДЕО: Доминираа Јокиќ и Гордон, на крајот Денвер загуби од Орландо во НБА лигата
Кошаркарите на Орландо славеа над Денвер со 115:104 во натпреварот кој се одигра ноќта меѓу четвртокот и петокот во НБА лигата.
Српскиот кошаркар Никола Јокиќ забележа „дабл-дабл“ учинок од 29 поени и 12 скокови, а Арон Гордон беше најефикасен играч на Нагетси кој запиша 37 поени со 13 скокови.
Во победничките редови за „магичните“ Вендел Картер постигна 19 поени, а го следеа Кол Ентони и Бол Бол со по 17.
Денвер е првопласиран во Западната конференција со 38 победи и 18 порази, додека Орландо е на 13 позиција на Истокот со 23 победи и 33 порази.
Во останатите натпревари, Атланта го совлада Феникс со 116:107, Бруклин беше подобар од Чикаго со 116:105, додека Милвоки славеше над Лејкерси со 115:106.