ВИДЕО: Доминација на „кралевите“ против Алавес, им избега победата на Барди и Леванте
Во саботата се одиграа уште четири натпревари од првото коло во новата сезона од шпанската „Ла Лига“, еден од фаворитите за титулата Реал Мадрид славеше убедливо на гостувањето кај Алавес (1:4).
Мируваа мрежите по првото полувреме, а на стартот од вториот дел предност за „кралевите“ донесе Бензема.
Во 56 минута Начо после асистенцијата на Модриќ зголеми на 2:0, а Бензема во 62 по вторпат се запиша во листата на стрелците.
Домаќините ја намалија негативата од пенал преку Жозелу (65`), а во самиот финиш трите бода ги потврди Жуниор Винисиус (90+2`) по додавањето на новото засилување Алаба. Головите од натпреварот Алавес – Реал Мадрид можете да ги погледнете ТУКА
Македонскиот репрезентативец Енис Барди настапи од 63 минута како замена за Рожер во ремито на Леванте на гостувањето кај Кадиз.
Леванте имаше предност од 39 минута со погодокот на Моралес, но домаќините во 97 минута го избегнаа поразот благодарение на Еспино.
Александар Трајковски не беше во составот на Мајорка во домашното реми со Бетис (1:1), а немаше погодоци на средбата Осасуна – Еспањол (0:0).
ВИДЕО: Баерн ги шокираше навивачите, реми во првото бундеслигашко коло