ВИДЕО: Денвер славеше над Шарлот, Јокиќ со „дабл-дабл“ за 27 минути игра
Кошаркарите на Денвер го совладаа Шарлот со 111:93 и ја забележаа 24 победа оваа сезона во НБА лигата.
Најзаслужен за триумфот на Нагетси беше Џамал Мареј со 25 поени, следен од Мајкл Портер со 22.
Српскиот центар Никола Јокиќ имаше „дабл-дабл“ учинок од 13 поени и 11 скокови (шест асистенции) за 27 минути на паркетот.
За Шарлот доминираше Мајлс Бриџис со 26 поени, а по 15 реализираа Ник Ричардс и Брендон Милер.
Денвер е моментно на третото место во Западната конференција, додека Шарлот е на 13 позиција на Истокот.
НБА лига, резултати –
Торонто – Кливленд 121:124
Хјустон – Детроит 136:113
Милвоки – Индијана 113:122
Денвер – Шарлот 111:93
Феникс – Портланд 109:88
Јута – Далас 127:90
ЛА Клиперс – Мајами 121:104