ВИДЕО: Денвер ја доби драмата со Атланта, Јокиќ повторно беше на чекор од трипл-дабл
Eкипата на Денвер дојде до драматична победа од 134-133 на гостувањето кај Атланта, во меч кој целосно го обележа Никола Јокиќ кој имаше уште еден фантастичен настап. Од друга страна, Лос Анџелес Лејкерс, ослабени без Лука Дончиќ и Леброн Џејмс, доживеаја убедлив пораз кај Бостон со 105-126.
Препорачано
Атланта влезе фуриозно во дуелот и ја отвори средбата со доминантни 41-23 во првата четвртина, а на полувреме стигна до 73-54. Но, продолжението му припадна на актуелниот шампион. Нагетс сепак ги добија двете последни четвртини со идентични 40-30 и направија целосен пресврт за минимална, но заслужена победа.
Јокиќ повторно беше најдобар кајДенвер и покрај 40 поени, запиша и девет скокови и осум асистенции. Одличен настап забележа и Мареј со 23 поени и 12 асистенции. Кај Атланта најрасположен беше Александер-Вокер со 30 поени, додека Џонсон блесна со трипл-дабл од 21 поен, 18 скокови и 16 асистенции.
Во Бостон, пак, домашниот тим рутински ги совлада Лејкерс со 126-105. Браун беше најефикасен со 30 поени, придружени со осум скокови и осум асистенции, додека најдобар кај калфорнијците беше Ривс со 36 поени. Дончиќ и Леброн не настапија поради повреди.
НБА РЕЗУЛТАТИ:
Бостон – ЛА Лејкерс 126-105
Орландо – Мајами 106-105
Атланта – Денвер 133-134
Кливленд – Сан Антонио 130-117
Детроит – Портланд 122-116
Њујорк – Јута 146-112
Торонто – Шарлот 86-111
Чикаго – Индијана 105-120
Хјустон – Феникс 117-98
Милвоки – Филаделфија 101-116
Мемфис – ЛА Клиперс 101-116
Оклахома – Далас 132-111
Преземено од: Спорт.ком.мк
