Деми Ловато уште еднаш раскажа емотивна приказна за тоа што се случило ноќта на нејзиното предозирање – овој пат преку видеото „Dancing with the Devil“, кое денес беше промовирано на нејзиниот официјален „ЈуТјуб“ канал.

28 – годишната пејачка го најави и нејзиниот нов албум со промоцијата на овој спот.

Видеото започнува со известување за гледачите кое вели: „Ова видео покажува зависност, употреба на дрога, траума и сексуална злоупотреба, содржина што за некои ќе биде вознемирувачка“.

Во следната сцена, Деми е во болницата каде и се прави трансфузија на крв. Приказната потоа нè води во моментите, пред таа да се предозира, а потоа и до нејзината спална соба кога нејзиниот дилер на дрога сексуално ја злоставил, а потоа ја оставил во таа состојба сама, во бесознание да умре.

 

View this post on Instagram

 

A post shared by Demi Lovato (@ddlovato)

По таа сцена која е дел и од нејзиниот вистински живот, ја гледаме нејзината асистентка како влегува во собата, а потоа доаѓаат медицинските лица кои на Ловато и подаруваат уште еден живот.

Остатокот од видеото го следи нејзиниот пат кон закрепнување во болницата и завршува со откривање на нејзината тетоважа „Survivor“ на вратот.

 

View this post on Instagram

 

A post shared by Demi Lovato (@ddlovato)

Извори на „ТМЗ“ откриле дека за време на снимањето на спотот Деми ги изненадиле од екипата сите кога таа „започнала да ја пее песната, а потоа од премногу емоции започнала силно да плаче“.