ВИДЕО: Де Хеа трагичар во пенал серијата, Виљареал ја освои Лига Европа!
Во големото финале на Лига Европа на стадионот Миејски во Гдањск составот на Виљареал триумфираше против Манчестер јунајтед после изведувањето на пеналите.
Виљареал водеше од 29 минута со погодокот на Морено, „црвените ѓаволи“ успеаја да израмнат во 55 минута преку Кавани.
Мируваа мрежите во продолженијата, а победникот го дознавме после една долга пенал серија на теренот во Полска.
При резултат 11:10, голманот на Јунајтед Давид Де Хеа имаше за задача да ја продолжи пенал-драмата, но не го пронајде патот до мрежата за голема радост на шпанската екипа, односно неговиот удат го одбрани Рули.
За Виљареал ова е најголемиот успех во неговата историја и со оваа победа си обезбеди место следната сезона во Лигата на шампионите. Јунајтед тоа претходно веќе го направи со втората позиција освоена во Премиер лигата.