Во близина на селото Сарај, на само неколку километри од Скопје, во 1978 година се „роди“ езерото Треска. Создадено со самопридонес – со пари и труд од самите граѓани на Скопје.

Проектот почнал со позиционирање на езерото на местото наречено „Кривина“, дотогаш најпопуларното излетиште за скопјани. Езерото, всушност, било дел од визијата за развој на градот уште од урбанистичките планови од 1948 и од 1965 година.

Како и секоја убава приказна, и езерото се „удави“ во негрижата на институциите. Во 1998 година, поради опасноста по здравјето на капачите од загаденото езеро, капењето беше забрането.

Подоцна, езерото во контроверзна постапка ѝ беше отстапено на Општина Сарај, која најавуваше големи проекти, но низ годините остави тоа целосно да се запушти и да се претвори во депонија.

ФОТО+ВИДЕО | Езеро „Треска“ извор на зараза, наместо место за рекреација