Македонската детска телевизиска серија „Бушава азбука“, наменета за изучување на македонската книжевност, култура и традиција преку музика, илустрации и глумечка игра и денес се смета за еден од најуспешните проекти на Македонската радио-телевизија. Многу генерации од 80-тите и 90-тите пораснаа со популарната азбука, а многу деца, благодарение на овој проект, успешно ја совладаа секоја 31 буква.

Серијата е снимена во 1985 година, во режија на Слободан Унковски, со сценарио на Горан Стефановски. Постои и истоимена книга изработена од Стефановски и српскиот илустратор Душан Петричиќ. „Бушава азбука“ брои 31 епизода, по една за секоја буква од македонската азбука, а секоја трае по половина час.

Четири децении подоцна, актерот и пејач Драган Спасов – Дац, кој имал само 19 години кога ја снимил првата епизода, повторно ја отпеа легендарната „Бушава азбука“ – мелодијата која и денес предизвикува носталгија кај многу генерации.

„Еј, само што завршив прва година на факултет кога ја снимивме ‘Бушава азбука, времиња убави’“, напиша Дац на видеото.

 

View this post on Instagram

 

A post shared by Dragan Spasov | Aleksandar Mitevski (@dac.aleksandar)