ВИДЕО | Дабл-дабл на Јокиќ, Денвер ја продолжи кризата на Клиперс, Лејкерс редат победи
Иако беа најавувани како нов „дрим-тим“, тимот на Лос Анџелес Клиперси реди порази во НБА лигата. Имаат некои од најдобрите играчи во лигата, но не им оди.
Изминатата вечер беа поразени од актуелниот шамион Денвер со 111:108. Никола Јокиќ повторно блескаше и беше најдобар на паркетот со 32 поени, 16 скока и девет асистенции за нешто помалку од 36 минути. Јокиќ ги погоди и клучните слободни фрлања во финишот од мечот.
Во редовите на Клиперс се истакна Пол Џорџ со 35 поени и седум асистенции. За Клиперс ова беше шести пораз сезонава и петти откако во тимот пристигна Џејмс Харден.
Лејкерс за разлика од својот градски ривал играат одлично и сега славеа над Мемфис со 134:107. Грлизис се втор најслаб тим во лигата по Детроит, додека Лејкерс се на седмото место на табелата со позитивен биланс.
Во победничкиот тим најефикасен беше Дианџело Расел со 24 поени, еден помалку постигна Хачимура, додека Дејвис запиша дабл-дабл од 19 поени и 11 скока.
НБА РЕЗУЛТАТИ:
Шарлот – Мајами 105-111
Детроит – Атланта 120-126
Филаделфија – Индијана 126-132
Бруклин – Орландо 124-104
Оклахома – Сан Антонио 123-87
Њу Орлеанс – Далас 131-110
Јута – Портланд 115-99
Денвер – ЛА Клиперс 111-108
Голден Стјет – ЛА Клиперс 101-104
ЛА Лејкерс – Мемфис 134-107