Нашата познатата фолк-пејачка Сузана Спасовска или како што публиката милува да ја нарече – „Сузе Национале“ одвреме навреме ги радува своите бројни обожаватели со по некоја фотографија на социјалните мрежи, а денес пејачката имаше посебно изненадување за својата верна публика.

Пејачката денес, преку својот официјален фејсбук-профил се обрати до својата публика:

„Со многу љубов и трпение работам неколку месеци на црковниот проект „Терирем“ (аудиоматеријалот ќе биде наскоро, но и промотивни концерти, ако Бог даде)! Јас, Сузана Спасовска сум солист, а Георгиј Секуловски е поддршка, консултација и вокал, како и вокален клирос „Пелагонитиса“. Ова е обид, одбраните верзии на православните литургиски химни да ги доближиме до народот и до помладата популација“. Црковните песнопоенија и фолклорот се природно поврзани, а Бог ни дал слобода секој да ги почувствува на свој начин во своето срце.Само со добра мисла и со Божја помош до целта“, порача Сузана во својата објава

Пејачката мината година во декември одбележа 35 години активна кариера и години поминати на музичката сцена.  Очигледно музиката ја одржувала нејзината младост низ годините, а сега тоа го прави нејзината внука Клара.

ФОТО | Министерката Славјанка Петровска ѝ испрати цвеќе на Сузана Спасовска

ФОТО | „Само твојот звук на хармониката ме правеше возвишена“: Естрадата се простува од Милан Завков