ВИДЕО | Бугарски свештеник му фрли клетва на Зеленски
Бугарски поп пред вчерашната посета на украинскиот претседател Володимир Зеленски на Софија со крст се појавил пред автомобилите од колоната и покрај масовното полициско присуство и успеал на украинскиот државник да му изрече клетва, пренесуваат бугарските медиуми.
„Анатема, Зеленски, фашистичка Украина, западни сатанисти“ – вели свештеникот во видео објавено на социјалните мрежи.
Свештеното лице мавтало со големиот крст пред автомобилите на претседателот на Украина, но не успеал да се доближи до Зеленски, при што колоната поминала покрај него со огромна брзина.
Полицајците веднаш го привеле и го тргнале од патот, како што може да се види на снимката.
Како што пишуваат бугарските медиуми, попот претходно го има нападнато и поранешниот бугарски премиер Кирил Петков со претставниците на неговата „Продолжуваме со промената“ на 6 јуни годинава.
Анатема се изречени зборови од страна на црковно лице кои всушност означуваат проколнување или некој вид на клетва.