ВИДЕО | Брод со навивачи на Вест Хем заглави под мост во Лондон
На социјалните мрежи се појави видео кое го покажува моментот кога брод удрил во мост во Лондон додека се обидувал да помине под него.
Малиот брод ги носеше навивачите на фудбалскиот клуб Вест Хем на нивниот натпревар против Фулам кога удри во мостот Хамерсмит, висечки мост што ја преминува реката Темза.
Probably quite stressful trying to get West Ham fans to the game on time… another blow for Hammersmith bridge, but the chants are a bit special… (seems minor damage and hope all ok) pic.twitter.com/vt6zhoM97L
— Greg Jackson (@g__j) December 10, 2023
Управата на пристаништето во Лондон, која го истражува инцидентот, соопшти дека нема извештаи за повредени. Бродот, МВ Емералд од Лондон, претрпел само мала штета.
Мостот Хамерсмит останува затворен за моторен сообраќај откако беше целосно затворен во 2020 година по идентификувањето на микро-скршеници во структурата стара 136 години, на пешаците сè уште им е дозволено да го користат мостот.