Нашата најмлада олимпијка на Летните олимписки игри во Токио Миа Блажевска Еминова денеска во квалификациите оствари победа во својата група во дисциплината 100 метри слободно.

Македонската пливачка Блажевска Еминова триумфираше во втората кваликафикациска група со резултат 57,19 секунди. Тоа е за шест стотинки послабо од нејзиниот личен резултат.

Второпласирана во групата беше Џилијан Крус од Кајманските Острови која заостана 0,13 стотинки, а на третата позиција се Ард Јенџира Сриса од Тајланд.

Нашата 15-годишна натпреварувачка го заврши настапот на 40 место од вкупно 52 пријавени во оваа дисциплина.

Најдобрите 16 пливачки од вкупно седум квалификациски групи се пласираа во полуфиналето.

Резултатите во оваа дисциплина од сите квалификациски групи можете да ги погледнете ТУКА