Екипата на Барселона славепе на гостувањето кај Ваљадолид со 0:3 и конечно прикажа игра каква што се очекува од кандидат за титулата во Ла Лига.

Барселона поведе во 21. минута преку Клемен Ленгле, а во првото полувреме мрежата на домашниот тим ја затресе и Мартин Брајтвајт во 35. минута. Лионел Меси конечно во новата сезона во Ла Лига постигна гол од игра, откако во 65. минута го искористи одличното додавање од Педри.
Со победата Барселона се искачи на петтото место на табелата во Ла Лига со 24 бода, додека Ваљадолид е 18. со 14 бода.

Лидерот на табелата Атлетико Мадрид го победи Реал Сосиедад со 0:2 и повторно има три бода предност пред Реал Мадрид.
„Јорганџиите“ головите ги постигнаа во второто полувреме, прво Хермосо во 49. минута го отвори резултатот, а Маркос Љоренте во 74. минута го постави конечниот резултат.
Овој натпревар беше посебен за тренерот на Атлетико Мадрид, Диего Симеоне кој ја оствари 300. победа на клупата на „јорганџиите“.

Резултати:
Елче – Осасуна 2:2
Валенсија – Севиља 0:1
Хуеска – Леванте 1:1
Реал Сосиедад – Атлетико Мадрид 0:2
Ваљадолид – Барселона 0:3
Виљареал – Атлетик Билбао 1:1