Фудбалерите на Барселона го искористија киксот на Реал Мадрид и со убедлив триумф од 3-0 над Леванте се искачија на врвот на табелата.

Прашањето околу победникот беше решено уште во првото полувреме. Бернал експресно донесе предност во четвртата минута, а Де Јонг во 32. минута го зголеми водството и најави мирен финиш за каталонскиот гигант.

Во вториот дел Барселона рутински ја контролираше играта и не дозволи изненадување, а во самиот финиш Фермин Лопез, по одличната асистенција од Ламин Јамал, ги постави конечните 3-0 и стави печат на сигурната победа.

Со новите три бода, Барселона сега има 61 на своето конто, еден повеќе од Реал Мадрид, кој вчера беше поразен од Осасуна со 2-1.