ВИДЕО: Барса одамна е на одмор, Ваљадолид го фаќа последниот лет за опстанок во „Ла Лига“
Фудбалерите на Ваљадолид ја совладаа Барселона со резултат 3:1 во натпреварот од 35 коло во „Ла Лига“.
Каталонскиот клуб, кој веќе ја освои шампионската титула, има два порази по ред, а воедно ја прекина и низата од седум победи против Ваљадолид кој во 2014 година последен пат славеше во меѓусебните дуели.
Домаќинот стекна предност уште во втората минута по автоголот на Кристенсен, а позитивата ја зголеми Ларин од пенал во 22 минута.
Плата се погрижи за 3:0 во 73 минута, а гостите својот единствен погодок го реализираа во 84 минута преку Левандовски.
На табелата Барса е на врвот со 85 бодови, додека Ваљадолид е на 17 место со 38, пред Хетафе (35) и Еспањол (34) кои се во опасната зона за испаѓање на 18 и 19 позиција и своите мечеви од оваа рунда ќе ги имаат в среда.
ВИДЕО: Реал Сосиедад на чекор од пласман во Лигата на шампионите