Фудбалерите на Реал Сосиедад во 36 коло од „Ла Лига“ ја победија Алмерија со минимални 1:0 и дојдоа на чекор до потврда на пласманот во Лигата на шампионите.

Јапонскиот репрезентативец Такефуса Кубо постигна гол вреден три бода во четвртата минута од судиското продолжение во првото полувреме. Алмерија падна за еден играч од 36. минута, кога Луис Суарес беше исклучен.

Реал Сосиедад стигна до 68 бода и сега заостанува осум бода зад петтопласираниот Виљареал, со натпревар помалку. Тимот од Сан Себастијан може да остане само без Лигата на шампионите, доколку не освои ниту еден бод во преостанатите два меча, а Виљареал истовремено го завршува првенството со три победи.

Со 39 бодови Алмерија е на 15 позиција и релативно и натаму е во „безбедната“ зона, со четири бода над зоната за испаѓање.

Селта пред своите навивачи во Виго освои само бод против Жирона играјќи 1:1. Домашните поведоа со голот на Перез во 42 минута, а израмни Стуани во 59 минута од пенал. Селта е на 14 место со 40 бодови, додека Жирона е на осмата позиција со 49 бодови и води борба за пласман во Конференциската лига.